హీరో నిఖిల్ సిద్దార్థ్ తండ్రి శ్యామ్ సిద్దార్థ్ గురువారం తుది శ్వాస విడిచారు. గత కొన్నేళ్లుగా అరుదైన వ్యాధితో బాధపడుతున్న ఆయన నిన్న ప్రైవేట్ ఆస్పత్రిలో కన్నుమూశారు. అయితే నిఖిల్ తన తండ్రిని తలుచుకుంటూ తెగ బాధపడ్డారు.
ఇటివల మరణించినవారు :
మరోవైపు సూపర్ స్టార్ కృష్ణ తనయుడు మహేష్ బాబు అన్న రమేష్ బాబు కూడా అకాల మరణం చెందారు. ఆ తర్వాత తన సంగీతంతో ప్రేక్షకులను ఊర్రూతలూగించిన బప్పీలహరి కూడా కన్నుమూయడం సినీ సంగీతాభిమానులను తీవ్ర కలతకు గురి చేసింది. మరోవైపు టాలీవుడ్ సినీ సంగీతంలో తన పాటలతో మైమరిపించిన కందికొండ కాన్సర్‌తో కన్నుమూస్తే, ప్రముఖ దర్శకుడు శరత్ కూడా ఈ లోకాన్ని విడిచివెళ్లారు. రీసెంట్‌గా ఏషియన్ థియేటర్స్ అధినేత నారాయణ దాస్ నారంగ్‌తో పాటు తెలుగు సహా హిందీలో పలు సూపర్ హిట్ చిత్రాలను తెరకెక్కించిన ప్రముఖ దర్శకుడు తాతినేని రామారావు తుది శ్వాస విడిచారు. తాజాగా నిఖిల్ తండ్రి శ్యామ్ సిద్ధార్ధ్ ఈ లోకాన్ని విడిచి వెళ్లారు.
హీరో నిఖిల్ తన తండ్రి గురించి తన మాటలలో :
గురువారం నాడు మా నాన్న చనిపోయారు. ఈ విషయం తెలిసి ఎంతో కలత చెందాను.. మీరు ఎక్కడున్నా సరే మీకు ప్రశాంతత చేకూరాలని కోరుకుంటున్నాను.. మనం చూసిన సినిమాలు, బిర్యానీ అవుటింగ్స్, కలిసి చేసిన ప్రయాణాలు, ఆనందంగా నవ్వుతూ గడిపిన క్షణాలు, ముంబైలో సమ్మర్ వెకేషన్స్ అన్నీ మిస్ అవుతున్నాను డాడీ.. మీ కొడుగ్గా పుట్టినందుకు ఎంతో గర్విస్తున్నాను.. మళ్లీ మనం కలుసుకుంటామని ఆశిస్తున్నాను అని నిఖిల్ ఎమోషనల్ అయ్యారు.
బరువెక్కిన హృదయంతో ఇది రాస్తున్నాను.. మా నాన్న గారు గురువారం నాడు మరణించారు. ఆయన ఎంతో మంది విద్యార్థులకు దారి చూపించారు.. ఎంతో మందిని తీర్చి దిద్దారు.. తన చుట్టూ ఉన్న వాళ్లని ఎంతో సంతోషంగా చూసుకున్నారు.. అంతే కాకుండా ఆయన ఎన్టీఆర్, ఏఎన్నార్ సినిమాలకు అభిమాని. నన్ను తెరపై చూడాలనేది ఆయన కల. ఆయన ఇచ్చిన సపోర్ట్ వల్లే నేను ఈ రోజు ఈ స్థానంలో ఉండగలిగాను.
జేఎన్టీయూలో ఎలాక్ట్రానిక్స్ ఇంజనీర్‌గా టాప్ ర్యాంకర్.. ఆయన ఎప్పుడూ కూడా కష్టాన్ని నమ్ముకున్నారు.. మాకు మంచి జీవితాన్ని ఇచ్చేందుకు నిరంతరం కష్టపడ్డారు. మమ్మల్ని ఇంత పెద్దవాళ్లను చేశారు. తీరా ఆయన రెస్ట్ తీసుకుంటూ ఎంజాయ్ చేయాల్సిన సమయంలో ఓ అరుదైన వ్యాధికి గురయ్యారు. కార్టికోబాసల్ డీజెనరేషన్ అనే వ్యాధి కారణంగా గత 8 ఏళ్లుగా పోరాడుతూ వచ్చారు. మా కుటుంబం ఆయన్ను కంటికి రెప్పలా కాపాడుకుంటూ వచ్చింది. కానీ చివరకు ఆయన తుది శ్వాస విడిచారు