Omegle అనేది 2009లో అమెరికాకు చెందిన 18 ఏళ్ల యువకుడు లీఫ్ కె-బ్రూక్స్ ప్రారంభించిన ఉచిత ఆన్‌లైన్ చాట్ ప్లాట్‌ఫారమ్.ఈ వెబ్‌సైట్ ద్వారా వినియోగదారులు ప్రపంచవ్యాప్తంగా ఉన్న అన్య వ్యక్తులతో నమోదు అవసరం లేకుండా అనామకంగా టెక్స్ట్ లేదా వీడియో చాట్ చేయగలిగారు.
ప్రారంభంలో Omegle టెక్స్ట్ చాట్‌కు పరిమితమై ఉండగా 2010లో వీడియో చాట్ ఫీచర్‌ను పరిచయం చేసింది.అలాగే వినియోగదారుల ఆసక్తుల ఆధారంగా అన్యులను జత చేసే “ఇంటరెస్ట్ ట్యాగ్స్” ఫీచర్‌ను కూడా అందుబాటులోకి తీసుకొచ్చారు.
కానీ ఈ ప్లాట్‌ఫారమ్‌పై అనేక విమర్శలు వచ్చాయి. వినియోగదారుల వయస్సు నిర్ధారణ లేకపోవడం,అనుచిత కంటెంట్‌కు అవకాశం కల్పించడం వంటి కారణాలతో ఇది వివాదాస్పదమైంది. 2023లో ఒక 11 ఏళ్ల బాలికపై జరిగిన లైంగిక దాడికి సంబంధించి దాఖలైన కేసులో Omegle $22 మిలియన్ల పరిహారం చెల్లించాల్సి వచ్చింది .
ఈ వివాదాల నేపథ్యంలో,Omegle వ్యవస్థాపకుడు లీఫ్ కె-బ్రూక్స్ 2023 నవంబర్ 8న ఈ ప్లాట్‌ఫారమ్‌ను శాశ్వతంగా మూసివేశారు. ఆయన ప్రకటనలో వినియోగదారుల భద్రతను కాపాడడంలో ఎదురయ్యే సవాళ్లు మరియు ప్లాట్‌ఫారమ్‌ను నిర్వహించడంలో ఎదురయ్యే ఒత్తిడిని కారణంగా పేర్కొన్నారు .
Omegle మూసివేత ఆన్‌లైన్ అనామక చాట్ ప్లాట్‌ఫారమ్‌ల భవిష్యత్తు మరియు వినియోగదారుల భద్రతపై గణనీయమైన చర్చను ప్రేరేపించింది.