మోటరోలా తన తదుపరి మిడ్-రేంజ్ 5G స్మార్ట్‌ఫోన్ అయిన Moto G56 5Gపై పనిచేస్తోంది.ఇటీవల ప్రముఖ లీకర్ ఎవాన్ బ్లాస్ షేర్ చేసిన లీక్‌ల ప్రకారం,ఈ ఫోన్ ఆకర్షణీయమైన డిజైన్, పటిష్టమైన ప్రాసెసర్ మరియు సమర్థవంతమైన కెమెరా సెటప్‌తో రాబోతుంది.
ఈ ఫోన్‌లో 6.72 అంగుళాల FHD+ LCD డిస్‌ప్లే ఉంటుంది,ఇది 120Hz రిఫ్రెష్ రేట్, 1000 నిట్స్ పీక్ బ్రైట్‌నెస్ కలిగి ఉంటుంది. స్క్రీన్ Corning Gorilla Glass 7i ప్రొటెక్షన్‌తో రానుంది, ఇది రోజువారీ వినియోగంలో మరింత మన్నికను అందిస్తుంది.
పనితీరు పరంగా, MediaTek Dimensity 7020 చిప్‌సెట్ ఈ ఫోన్‌కు శక్తిని అందిస్తుంది.ఇది 6nm ఫాబ్రికేషన్ టెక్నాలజీపై రూపొందించబడిన శక్తివంతమైన ప్రాసెసర్. IMG BXM GPU సహాయంతో మంచి గ్రాఫిక్స్ ప్రాసెసింగ్‌ను అందించనుంది.
RAM మరియు స్టోరేజ్ విషయంలో, 4GB మరియు 8GB LPDDR4X RAM, 128GB మరియు 256GB UFS 2.2 స్టోరేజ్ వేరియంట్లు లభిస్తాయి.microSD కార్డ్ ద్వారా 2TB వరకు స్టోరేజ్ విస్తరించవచ్చు.
కెమెరా సెటప్ విషయానికి వస్తే, 50MP ప్రైమరీ కెమెరా (Sony LYT-600 సెన్సార్), 8MP అల్ట్రావైడ్ లెన్స్ ఉన్నాయి. ముందు భాగంలో 32MP సెల్ఫీ కెమెరా కలదు,ఇది హై క్వాలిటీ సెల్ఫీల కోసం ఉపయోగపడుతుంది.
ఫోన్‌లో 5200mAh బ్యాటరీ ఉంటుంది, ఇది 33W ఫాస్ట్ ఛార్జింగ్కు మద్దతు ఇస్తుంది. Android 15 ఆధారంగా నడుస్తుంది. IP68/IP69 రేటింగ్, MIL-STD-810H సర్టిఫికేషన్, స్టీరియో స్పీకర్లు మరియు Dolby Atmos సపోర్ట్ వంటి ఫీచర్లు ఈ ఫోన్‌ను మరింత అద్భుతంగా మారుస్తాయి.
ఈ ఫోన్ ధర సుమారు EUR 250 (రూ. 23,500)గా ఉండే అవకాశం ఉంది. భారత మార్కెట్లో లాంచ్ డేట్ ఇంకా అధికారికంగా వెల్లడించలేదు.